【動物專訊】澳洲聯邦政府上周提出了殺掉200萬頭野貓的政策，目的是保護澳洲的原生哺乳類動物，該國受威脅物種委員會主席Gregory Andrews形容野貓是對澳洲哺乳類動物唯一最大威脅。但保護動物團體Animals Australia反駁指，對澳洲原生動物最主要和最顯注的威脅，是來自人類破壞牠們的棲息地和食物來源。
澳洲愛護動物組織Mini Kitty Commune在網上發起聯署信給澳洲總理Tony Abbott，要求停止向貓兒發動戰爭，特別是這做法可能會令到很多無辜的家貓受害，甚至被一些討厭貓的人士利用，而且殺貓的陷阱也可能誤傷其他動物。聯署要求檢討該政策，並確保不會令到貓兒因為牠們本身是貓而被無辜殺害。（聯署見：http://mkc.org.au/learn/petitioncatwar）
本報早前曾報道過有在澳洲工作假期的港人發現鄰居遺棄了幾隻貓兒，急急救牠們，倘若這類事件再發生，不幸被遺棄的貓兒隨時淪為被澳洲政府屠殺的對象。
Gregory Andrews指過去29種澳洲哺乳類動物絕種，有28種絕種是與野貓有關。澳洲政府計劃以陷阱、槍殺和落毒的方式屠殺野貓，屠殺計劃的目標，是在2020年，即5年內殺掉200萬頭野貓。
愛護動物團體People for the Ethical Treatment of Animals (PETA) 指歷史證明以屠殺方式淘汰動物的做法不會有效，政府應改為研究如何減少野貓的繁殖。
一向積極參與保育動物活動的法國影星Brigitte Bardot亦譴責澳洲政府的計劃，指這種對野貓的種族屠殺是不人道和荒謬，並指野貓仍會繼續繁殖，屠殺計劃絕對沒用，與其花錢屠殺，不如用在設立大規模的野貓絕育行動。
我係澳洲讀過生態學,亦係愛貓之人.容我解釋下.
澳洲係個孤立島國,自歐洲人黎之後成個生態系統受外來物類所受嘅破壞係全球之首.要保護本地生物,就必須要趕絕外來物類(貓狐兔etc).而貓一直係頭號目標之一,因為難聽啲講,佢嘅天性會’濫殺無辜’,包括唔少受保護嘅雀鳥同小型哺乳類.全澳洲有2000萬隻野貓,當中有好多係野化多代無法被人純化嘅.係某啲地區已一早立法禁止家貓晚上外出,保育區亦會對外來物類全面獵殺.
係,個問題係人類造出黎而且好殘忍.但200萬隻貓,邊個可以全部同佢地絕育?包括好多人煙少見嘅偏遠地區.唔係咁做,又點可以保護到原生物類?貓係我地嘅伴侶,但係保育問題上,以本土為先一定的…
補充多句,一定有啲左膠話咩貓命都係命,要對決政權etc
又睇下其中一個洲Tasmania.Tassie又係個孤島,自90’s年代起全面殺絕狐狸,連好多澳洲本島物類什至泥土都唔比入境,比入境澳洲仲嚴.結果又真係有啲成績喎.狐命都係命,都係好可愛啫…..