《動物專訊》上星期在葵涌邨內發現一隻黑狗，其後愛護動物協會到場將狗捉走。有市民多次表示願意領養狗狗，更親身到愛協領狗，但遭職員留難拒絕領養，愛協更於前日將狗人道毀滅重。不少愛護動物人士都非常憤怒，不明白為何有人領養仍要殺狗，直指愛協不尊重生命。
記者：唐曉芙
有市民從網上得知黑狗被捉後，曾致電愛表示有意領養狗隻，但愛協職員指該狗有攻擊性，不宜領養。另一市民Cherry則嘗試以狗主身份救狗，希望狗狗能倖免一死，28號朝早9時半親身到愛準備領養狗狗，愛協職員指她並非真正狗主，拒絕她的申請，最後等候三小時仍未能救狗，因要上班無奈離開，Cherry指：「我哋連沖涼都book埋，又搵咗暫養家庭，諗住一接到狗狗就帶佢去沖涼。」
其後一名義工Moon亦於昨日準備到愛協領養狗狗，但當致電愛協查詢時，職員指狗狗已被人道毀滅。「我問過附近街坊話黑狗幾天以來到處流連，似係被人遺棄完，但全無攻擊性，只係匿埋草叢。」
愛協向本報承認前日(29/1)已將黑狗人道毀滅，原因是基於公眾安全。愛協指狗狗攻擊性，即使獨自在籠中仍然焦慮及驚恐，認為不適合領養，又一些習慣在野外或街上生活的狗並非每隻都更適應在家飼養。問及愛協為何要捉狗，愛協回應是因為接到求助電話，有人指黑狗有攻擊性，才派人捉狗。為平衡公眾安全，遂決定將狗狗安樂死，並藉此免除狗狗焦慮及驚恐。
歡迎轉載及註明出處
一睇依段不知所謂嘅解釋就全身即時好似被火燒，只可嘆一句，狗狗你都唔好彩，連等死嘅期限都無，只係一句話有人指牠有攻擊性，咁人呢，有無受傷同點攻擊，我夠可以話你哋老作咯，至於話牠有焦慮及驚恐，有乜咁出奇唧，無啦啦被人捉住困喺一處陌生嘅地方，莫講話狗狗咁嘅反應，我諗係人都會驚喇，莫非要表現興奮同開心先算正常，無我真係睇唔到你依個機構有幾幾愛護動物，廿二號被捉，廿八號朝就要所謂嘅人道，乜唔係有限期嘅咩，如果狗狗眞係有主人，愛協請問你哋點得賠起，雖然唔係人命，但始終係一條生命，想請問你哋愛協依個機構嘅中指究竟竟係啲乜？點解連咁少嘅機會都唔比佢哋生存多一秒，就憑你哋一句說話同斷定，狗狗條命就要無辜咁奉上，喺依家依個咁多虐待同殘忍被殺害動物嘅社會，你哋做過啲咩？有無為啲無辜受害及被殺嘅狗狗爭取過啲咩？每當有案發一味只識話以有警方接手調查，十宗有幾宗有下文，你哋又有無落力·去跟進過，為受害嘅狗狗受取番個公道。