【動物專訊】一個人的文明程度，就看他如何對待動物。熱心市民Peter昨日在facebook發帖指，有隻牛來到一個露營地方，竟然被露營者指很討厭，向牠丟麵包橙皮，更有一名小孩竟然想拿露營棍要打牛牛，更聲言要推牠落山，原因竟是「隻牛牛好討厭，阻住晒」。Peter當場鬧那小孩，指這裡是牛的主場，人類來到停留一兩日還「好似大爺惡晒咁」。多名網民撐Peter教訓得好，批評那小孩沒家教。
Peter在帖中講述過程：「點知有條細路走咗出嚟，拎支營棍要打牛牛，仲話要推佢落山，我睇唔過眼過去同個細路講，做乜要推牛牛落山？個細路仲好有道理咁講，隻牛牛好討厭，阻住哂。
咁我向佢講，我推你落山又好唔好？
跟住佢後面有位相信係佢媽媽嘅大人問我，你講乜嘢呀？
咁我又問番佢，你囝囝又講啲乜嘢呀？
我話其實牛牛先係呢度嘅主場，我哋係樹停留一兩日就好似大爺惡哂咁，唔諗油漆系呀？」
他又形容，那隻牛最後無奈走開，又指近幾年很多人去露營，但對大自然卻沒有應有的尊重和愛護。
多名網民留言均稱Peter教訓得好，又指那小孩沒有家教，作為家長應該教育小朋友尊重大自然和愛護動物。
