「貓貓，
多謝你，有你陪佐我地咁多年，我地好幸福
你記唔記得我地係點識ga？
1994年1月，一個好凍好凍既夜晚
半夜走廊傳黎貓仔既叫聲，就係你
當時你又凍又肚餓，白飯都食佐細半碗
或者你無可能會再記起，不過我仲記得好清楚
我同細路最鐘意同你鬥氣
同你玩，捉實你唔放唔比你走
我地漸漸長大，小學畢業，中學畢業，大學畢業
都有你係屋企等我地番黎
番到屋企見住你坐係門口等，眼碌碌咁望住
唔駛講，肚餓要食野，你個可惡樣
好想再掃你下巴，鬆下你頟頭個堆白色毛
貓貓，我地真係好鐘意你
24年黎不離不棄，你無間斷咁要我地注意你
我地彷彿有種共同語言，你一絲既眼神或表情
已經知你想點，催人訓教la, 叫人起身la
要飲水，要食野，要沖涼，要暖氈
要抱，要錫，要訓
你要安靜，要休息，你要休息
你既身體都需要休息
生，老，病，死
去到最後一刻，你都好堅強
貓貓，貓貓，我不斷叫你，你聽到嗎？
你在懷抱中靜靜地離去
呼盡最後一口氣向我們道別
貓貓，再見了
我地永遠都咁愛錫你
永遠都會記住同你經歷過既時光
願你在彩虹橋遇見朋友，一齊快樂咁生活
感謝你，感謝你把一生的時間都留給我們
2018年1月9
家姐」
PS:
「貓貓既離去, 我好傷心, 唔知點去面對佢既離開
佢已經去佐第二個世界, 我只可以係回憶裏見番佢
24年黎都習慣有佢伴住我地, 一下子佢離開, 有好多野都唔習慣
佢離開第二朝, 佢既身體仲係我地屋企
我地望住佢, 佢好似仲有呼吸
佢個肚仲係會脹起, 會呼氣
連我細路都有呢種錯覺
總係覺得我地叫佢, 佢仲係會望我地
呢種感覺先係最難受
細路話我地咁多年一望佢, 佢都係有呼吸, 叫佢佢會有反應
咁耐以黎我地都習慣佐佢係活著
依家佢離開了, 呢種習慣係唔可以用理志去改變, 雖然我地知道佢已經離開
希望佢之後會開心快樂咁生活
我地都覺得好幸福, 可以有緣同佢相處到咁長時間。」
